Seanca plenare e kësaj të enjteje në Shqipëri, ku u miratua me 73 vota projektbuxheti, është shoqëruar me përplasje të forta.
Kanë qenë deputetët e Partisë Demokratike, ata të cilët kanë ndezur flakadanë të shumtë në sallë, një prej të cilëve ka shpërthyer në flakë.
Salla u boshatis pas flakëve në Kuvend, ku ministrat dhe deputetët u larguan menjëherë, madje pas tyre dhe gazetarët.
Mazhoranca miratoi pa diskutime projektbuxhetin për vitin 2024 brenda 5 minutave, duke shënuar seancën më të shkurtër të Kuvendit në historinë e parlamentarizmit.
I pranishëm në seancë ishte dhe kryeministri Edi Rama, i cili nuk e mori fjalën, por mori pjesë në votimin e projektbuxhetit.
Flakët u përhapën pasi një prej flakadanëve ra mbi ulësen e tavolinës së një prej deputetëve të opozitës.
Ka qenë ndërhyrja e gardës me ujë që parandaloi përhapjen e flakëve.