Në një njoftim të Policisë së Kosovës, më datë 13 shtator 2022, në stacionin policor në Prizren është raportuar për një vjedhje të rëndë.
Sipas këtij njoftimi, viktima e rastit që gjendet me banim të përkohshëm jashtë shtetit ka raportuar se persona të panjohur ia kanë vjedhur rreth 30000 euro nga shtëpia e tij në Prizren.
Hetuesit e stacionit policor të Prizrenit kanë arritur të identifikojnë të dyshuarën për këtë rast dhe t’i gjejnë 14 mijë euro fillimisht.
Ndërkaq, hetimet kanë vazhduar dhe në ditët në vijim, më datë 22 shtator, kanë arritur që t’i gjejnë edhe 9 mijë e 400 euro të tjera.
Policia ka njoftuar se pas të intervistimit të të dyshuarës, me urdhër të prokurorrit rasti shkon me procedurë të rregullt.