Will Smith jep dorëheqje nga Oscars

Aktori amerikan Will Smith ka dhënë dorëheqjen nga Akademia e Oscars, pasi goditi prezantuesin Chris Rock në skenë në ceremoninë e ndarjes së çmimeve Oscar fundjavën e kaluar, këtë e bëri të ditur vetë aktori në një deklaratë të premten.

“Unë po jap dorëheqjen nga anëtarësimi në Akademinë e Arteve dhe Shkencave të Filmit dhe do të pranoj çdo pasojë të mëtejshme që Bordi i konsideron të përshtatshme,” thuhet në deklaratën e tij.

David Rubin, President i Akademisë së Arteve dhe Shkencave të Filmit, tha në një deklaratë të premten se organizata ka pranuar dorëheqjen e menjëhershme të Smith.

“Ne do të vazhdojmë të ecim përpara me procedurat tona disiplinore kundër z. Smith për shkelje të Standardeve të Sjelljes së Akademisë”, shtoi Rubin.

Veprimet disiplinore nga Akademia përfshijnë pezullimin ose përjashtimin, së bashku me “sanksione të tjera të lejuara nga aktet nënligjore dhe standardet e sjelljes”, thuhet kjo nga organizata, përcjell CNN.

Në vend të kësaj, Smith është larguar me dëshirë nga organizata e njohur e yjeve të filmit, regjisorëve dhe producentëve. Kështu Smith nuk do të jetë më në gjendje të votojë për filmat dhe shfaqjet e nominuara për Oscar çdo vit. Puna e tij, megjithatë, do të jetë ende e pranueshme për shqyrtimin dhe nominimet e ardhshme të Oscars.

Sipas CNN, ai ka deklaruar po ashtu se me veprimin e tij ka lënduar jo vetëm Chris Rockun por edhe familjen, miqtë dhe fansat.

“Lista e atyre që kam lënduar është e gjatë dhe përfshin Chris, familjen e tij, shumë nga miqtë dhe të dashurit e mi, të gjithë ata që ishin të pranishëm dhe audiencën globale. Kam tradhtuar besimin e akademisë. I kam hequr të nominuarve dhe fituesve të tjerë mundësinë për të festuar dhe për t’u lavdëruar për punën e tyre të jashtëzakonshme. Më është thyer zemra”.

“Dua ta kthej fokusin tek ata që meritojnë vëmendje për arritjet e tyre dhe të lejoj akademinë të kthehet në punën e jashtëzakonshme që bën për të mbështetur krijimtarinë dhe artin në film. Ndryshimi kërkon kohë dhe unë jam i përkushtuar të bëj punën për të siguruar që kurrë më të mos lejoj që dhuna të kapërcejë arsyen”, ka tënë Smith.

Will Smith gjatë fjalimit të tij, pasi mori çmimin e aktorit më të mirë

Ai fillimisht i kërkoi falje Akademisë gjatë fjalimit të tij televiziv për pranimin e aktorit më të mirë, rreth dyzet minuta pas shuplakës. Por në atë fjalim, ai nuk i kërkoi falje Rokut. Smith i kërkoi falje publike Rock të nesërmen përmes mediave sociale.

Por ai ishte shumë më kritik ndaj vetes të premten, duke i quajtur veprimet e tij “tronditëse, të dhimbshme dhe të pafalshme”.

E nga Akademia Oscar vetëm një pjesë e vogël e njerëzve janë dëbuar ndonjëherë, ata përfshijnë Harvey Weinstein, Bill Cosby dhe Roman Polanski.

Shija e redaktorit

INTERVISTË me Marin Memën: Kemi nevojë të duam më shumë...

Cilki i dokumentarëve, 'Gjurmë Shqiptare' me autorin Marin Mema, në Top Channel Albania përfshin një audiencë të të gjitha moshave. Në 'Gjurmë Shqiptare' trajtohen tema...

Këngët për nder të gjeniut Andy Warhol

Data e 6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Më të lexuarat

“Për shkak të Qeverisë Kurti 1, djali im nuk do...

Ish-ministrja e Kulturës Rinisë dhe Sportit, Vlora Dumoshi, në emisionin ‘Personale’ me Krenare Vokshi-Shala, ka treguar se si djali i saj, Rroni, i cili...

Një person largohet nga një restorant në Pejë pa paguar...

Një person mashkull shihet duke ngrënë mengjes, dhe menjëherë pas përfundimit ai shihet duke u larguar pa komunikuar me ndonjë kamerier nga restoranti. Pamjet e...

Sulmohet seksualisht një fëmijë gjashtëvjeçar në Prishtinë – qytetarët përballen...

Vetëm të mërkurën e 27 korrikut të vitit 2022, janë raportuar tri raste të sulmeve seksuale ndaj të miturve. Prishtina, Obiliqi dhe Mitrovica, janë...

Të fundit nga rubrika