Ish-bashkëpartiaku i Kryeministrit, Albin Kurti, njëherësh edhe analist në emisionin Debat Plus, Visar Ymeri ka thënë se për ndryshimet e Kurtit, pushteti i tij është shumë i shkathët në “gjuhen propagandistike” që t’i mbulojë dështimet qeverisëse.
Më tej, ai ka thënë se debatet janë të nevojshme për të diskutuar edhe zbërthyer ndryshimet që qytetarët të jenë të informuar për ndryshimet.
“Jo çdo herë ndryshimet janë të dukshme dhe kur është i dukshëm pushteti i Kurtit e ka mundësin nëpërmjet gjuhës propagandistike me mbulua ndryshimin. Edhe këtu ka një farë dallimi në shoqërinë kosovare në mes të fjalëve që ia besojnë politikanit edhe veprave që nuk ja shohin ose nuk munden me analizua”, ka deklaruar Ymeri.
Sipas Ymerit, Kurtit i takon përgjegjësia e llogaridhënies, pse i ka realizuar ose nuk i ka realizuar premtimet apo mos premtimet e caktuara, e jo analistëve.
“Po me dal e me thënë se kjo është çfarë ka dashur partia, Lëvizja Vetëvendosje e me vepruar të kundërtën e asaj që ka fol LVV-ja është hipokrizi e madhe dhe patolerueshme. Ma shumë se sa ndryshimi i Albin Kurtit është fshehja e ndryshimit që po i bënë qeverisja e LVV-së së bashku me Kurtin, këtij ndryshimi”.
Ymeri ka thënë se veprimet e Qeverisë Kurti II, janë të ngjashme me qeveritë e kaluar por, vetëm retoriken e kanë po të njëjtën me atë që e kanë pasur në opozitë.