Endrit Zabërgja nga Nisma Socialdemokrate ka thënë se vota e Nismës edhe në mandatin e kaluar edhe në këtë mandat nuk ka qenë pro procesit të këmbimit të pronave në Badoc.
“Vota e NISMËS edhe në mandatin e kaluar edhe në këtë mandat nuk ka qenë pro këtij procesi”, ka deklaruar Zabërgja.
Në emisionin “Debat Plus”, Zabërgja ka thënë se procese të tilla duhet të jenë transparente dhe të plotësuara me dokumente të nevojshme, duke pasur parasysh katrahurën e shkaktuar nga kjo lëndë.
“Procese të tilla duhet të jenëp transparente dhe të plotësuara me dokumente të nevojshme, duke pasur parasysh katrahurën e shkaktuar. Ne nuk kemi besuar se vota pro është e duhur në atë moment, besojmë se procedurat duhet të ndiqen”, ka vijuar ai.
Ndryshe, Komuna e Prishtinës është obliguar të martën nga Gjykata Themelore të mos marrë asnjë hap për jetësimin e këmbimit të pronave komunale te Prishtina e Re me ato private në Badoc, që u përkasin ish-klientëve të kryetarit, Përparim Rama.