Zyrtarja e Bashkimit Evropian, Kati Schneeberger ka thënë se gjithmonë po shtohen arsyetime të reja për Kosovën në çështjen e liberalizimit të vizave.
Schneeberger ka reaguar përmes një postimi në Twitter pasi u raportua se Franca ka vënë një kusht në lidhje me liberalizimin e vizave për Kosovën e që është funksionalizimi i sistemit për siguri në Evropë, ETIAS.
“Gjithmonë arsyetime të reja për të vazhduar diskriminimin ndaj Kosovës në drejtim të liberalizimit të vizave. Këtë herë është ETIAS që do të lidhet me liberalizimin e vizave të Kosovës. Kjo nuk duhet të vazhdojë kështu”, ka thënë Schneeberger.
Always new excuses to keep up the discrimination against Kosovo in terms of visa liberalization. This time it is #ETIAS that will be linked to Kosovo's visa liberalization. This must not go on like this.
Sign here: https://t.co/sRACQwlbue NOW !!!#visa4Kosovo
— Kati Schneeberger 🇪🇺 (@KatiSchneeberg1) October 13, 2022
ETIAS apo ndryshe “Sistemi Evropian i Informacionit dhe Autorizimit të Udhëtimit” është një program i krijuar nga Bashkimi Evropian me qëllim të mbrojtjes dhe forcimit të kufinjëve të tij.
Qëllimi kryesor i tij është që të identifikojë kërcënimet ose rreziqet e mundshme që lidhen me vizitorët që udhëtojnë në cilindo nga vendet e zonës Shengen.
Këshilli i Bashkimit Evropian ka propozuar që procesi i liberalizimit të vizave për Kosovën të lidhet me funksionalizimin e këtij sistemi. Një kërkesë e tillë erdhi nga Franca dhe e njëjta u mbështet edhe nga Belgjika, Suedia, Holanda dhe Spanja.