Jehona Lushaku, anëtare e Lidhjes Demokratike të Kosovës(LDK), ka thënë se liberalizimi i vizave për Kosovën, është në vullnetin e shteteve anëtare të Bashkimit Evropian(BE), dhe nuk varet nga Qeveria e Kosovës.
Sipas Lushakut, në të kaluarën, Franca dhe Holanda kishin qenë kundër liberalizimit të vizave për Kosovën.
Tutje, ajo ka theksuar se në këto procese integruese ka ”rëndësi plotësimi i kritereve, por edhe momentumi politik”.
Lushaku ka sqaruar se si Kosova e kishte humbur momentumin politik, për shkak të kundërshtimeve për demarkacionin nga partitë opozitare të atëherdhme.
“Tani përsëri e kemi një momentum të ri, sepse një luftë ka nisur në Ukrainë dhe e ka përfshirë Evropën, dhe kjo e fundit, është duke reflektuar shumë mirë edhe për arsye të sigurisë”, ka vlerësuar Lushaku.
Sipas saj, tani mund të miratohet raporti i Komisionit Evropian për liberalizimin e vizave.