Organizata për rritjen e cilësisë në arsim “ORCA” për festën e Halloween kanë shpërndarë maskat me “fytyrat e frikshme të atyre që janë përreth plagjiaturës të përbashkuar”.
“Nuk ka gjë më të frikshme se shkatërrimi i arsimit të një vendi që shumicën dërrmuese të popullsisë e ka më të re se mosha 35 vjeçare. Nuk ka gjë më të frikshme se kur plagjiatorët guxojnë të jenë në pozita udhëheqëse edhe pasi janë vërtetuar dyshimet për plagjiaturat e tyre”, thuhet në postimin e ORCA-s.
Tutje në postimin e ORCA-s thuhet se nuk ka gjë më të frikshme se kur Qeveria nuk merr masa për t’i zhdukur “plagjiatorët” nga jeta publike.
Sipas kësaj organizate, arsyeja për shpërndarjen e këtyre maskave është që të bëhet e ditur situata në të cilën ndodhet Universiteti i Prishtinës “Hasan Prishtina”.