Xhudistja kosovare, Nora Gjakova, e ka fituar ndeshjen e parë të repesazhit në Grand Slamin që po mbahet në Baku të Azerbajxhanit.
Gjakova arriti ta mposhtë italianen Veronica Toniolo, në kategorinë -57 kilogram.
Gjakova është në rrugë drejt fitores së medaljes së bronztë në këtë turne. Megjithatë i nevojitet edhe një fitore e rradhës për të fituar më pas medaljen e bronztë.
Xhudistja kosovare në rundin e rradhës do të përballet me xhudisten belge, Mina Libeer.
Ky turne që po mbahet në Grand Slam të Azerbajxhanit përfshin gjithsej 5 kontinente, 61 shtete dhe ka afro 366 garues.
Vlen të theksohet, se Nora Gjakova ndeshet në kategorinë -57 kilogram dhe gara e saj ka filluar nga ora 08:00 dhe pritet të vazhdojë derisa ajo të ndeshet me garueset e radhës.
Kujtojmë se, gjatë të premtës për Kosovën do të garojë vetëm xhudistja Nora Gjakova, ndërsa do të pasohet të dielën nga Loriana Kuka.
Nora Gjakova humb në çerekfinale, lufton për medaljen e bronztë
Nora Gjakova mposht gjermanen, kalon në çerekfinalen e Grand Slamit në Baku