Lideri i serbëve në Bosnje e Hercegovinë (BeH), Milorad Dodik, është deklaruar se “Republika Srpska” është e gatshme t’i ndihmojë serbët e Kosovës.
Kështu është shprehur Dodik përmes një postimi në llogarinë e tij në Twitter, ku ka theksuar se është e rëndësishme që të ketë unitet mes dy vendeve.
“Republika Srpska’ është e vendosur dhe e gatshme të ofrojë mbështetje të fuqishme dhe të ndihmojë popullin tonë në Kosovë në çdo gjë”, ka shkruar ai.
“Është me rëndësi të madhe që të ketë unitet mes dy vendeve tona, ‘Republikës Srpska’, Serbisë dhe Kishës në ruajtjen e interesave të popullit tonë”, shtoi ai.
То смо потврдили и на састанку код Његове светости патријарха српског Порфирија гдје нас је предсједник Вучић упознао са детаљима и мјерама које ће Србија предузети у наредном периоду.
— Милорад Додик (@MiloradDodik) November 5, 2022
Kështu është shprehur Dodik pas takimit që pati në Beograd me presidentin e Serbisë, Aleksandër Vuçiq dhe Patriarkun e Kishës Ortodokse Serbe, Profirije.
Ndryshe, i pari i Listës Serbe, Goran Rakiq, ka thënë se ekziston vetëm një mundësi që ata t’i kthehen institucioneve të Republikës së Kosovës, dhe ajo është, kur Kosova do ta miratojë Asociacionin e Komunave me Shumicë Serbe (AKS).
Sipas tij, “serbët e Kosovës nuk e kërcënojmë askënd, por po përpiqemi ta ruajmë qetësinë dhe stabilitetin si dhe të drejtën tonë për qëndrimin tonë në mënyrë të dinjitetshme”.
Më tej, ai ka thënë se në katër komunat veriore, do t’i ndalojnë edhe përfaqësuesit e serbëve në Polici dhe organet gjyqësore si dhe administratën.
Rakiq ka përfunduar duke thënë se janë duke kërkuar nga Republika e Kosovës që “menjëherë të fillojë të respektojë të drejtën ndërkombëtare dhe të gjitha marrëveshjet që janë arritur deri tash në dialog mes Prishtinës dhe Beogradit”.