Një delegacion i EULEX-it në 23 vjetorin e rrëzimit të aeroplanit të UNMIK-ut, kanë përkujtuar 24 viktimat të cilat kishin humbur jetën në veri-lindje të Mitrovicës.
“Një delegacion i stafit të EULEX-it nga Italia i bëri nderimet e tyre 24 grave dhe burrave që humbën jetën tragjikisht më 12 nëntor 1999 kur aeroplani çarter i Programit Botëror të Ushqimit të OKB-së, i njohur si fluturimi 3275, u rrëzua në kodrën e malit Piceli, në verilindje të Mitrovicës”.
“Kanë kaluar 23 vite, por ne do t’i kujtojmë gjithmonë”, kanë shkruar në Facebook.
Ndryshe në vitin me 12 nëntor të vitit 1999 aeroplani i Programit Botëror të Ushqimit të OKB-së, i njohur si fluturimi 3275 ishte rrëzuar në kodrën e malit Piceli, në verilindje të Mitrovicës.
Nga rrëzimi i këtij aeroplani kishin humbur jetën 24 persona të cilët ishin zyrtarë ndërkombëtarë dhe punëtorë humanitarë.
