Juristi Taulant Kryeziu, ka thënë se vendimi për targat lidhet me planin franko-gjerman.
Kështu ka thënë Kyreziu në emisionin ”Debat Plus”, në RTV Dukagjini, ku po diskutohet mbi mos arritjen e një marrëveshjeje në Bruksel.
“Vendimi për targa është vendim i cili prej pozicionit të Kurtit po e përdor si levë të dalë te plani franko-gjerman i cili në pozicionimin e tij publik ka thënë se ka disa elemente pozitive në anën tjetër Serbia e ka përjashtuar dhe si të tillë këtë çështjen e targave e ka bërë problem në vetvete për ta ndërruar kornizën negociatore. Publikisht Daçiq e ka kundërshtuar”.
“Mbase vendimi për targat po përdoret si i tillë që me dalë te plani franko-gjerman mbi të cilin ka pasur ujdi transatlantike. Serbia po thotë jo vec targat për targa, vec Asociacioni për Asociacion dhe e shohim për planin”, ka thënë Kryeziu.
Kryeziu ka theksuar se Kosova duhet besimin t’ia falë SHBA-së sepse sipas tij vetëm ata mund të jenë garant i çdo detyrimi apo çdo marrëvehsje që e merr Kosova në këtë proces.
Sipas tij, nëse ka garancë të SHBA-së, çdo pengesë rrugës duhet të largohet dhe të vazhdohet me negociata.