Kreshnik Gashi, nga BIRN e ka komentuar deklaratën e përbashkët të ShBA-së dhe BE-së, ku thuhet se lidershipi i Kosovës, ka pranuar që të mos i ndjekë penalisht ata që i kanë vendosur barrikadat në veri.
Në Debat Plus, ai ka thënë se bandat kriminale në veri, e ka pranuar dhuratën e vitit të ri nga Qeveria Kurti.
“Banda kriminale e veriut sonte e ka marrë dhuratën e vitit të ri nga Qeveria Kurti. E ka marrë lajmin që për organizimin e barrikadave nuk kanë me u ndjekë penalisht, e kanë marrë amnistinë. Rakiq e ka marrë amnistinë, që nuk ka me u ndjekë për krejt organizimin për dy javët e fundit”, ka thënë ai.
“Përmes konfirmimit të ShBA-së dhe BE-së, kan thënë se kanë marrë zotim nga qeveria që vendosja e barrikadave paqësore nuk do të ndiqen. Rakiq, Radoiciq, banda kriminale e veriut e ka marrë dhuratën e vitit të ri”, ka vijuar ai.
Gashi tha se e konsideron problem të madh mosdistancimin e Qeverisë së Kosovës nga kjo deklaratë e ShBA-së dhe BE-së.
Gashi ka theksuar se nëse një gjë e tillë ndodhë, që kriminelët të amnistohen atëherë edhe prokuroria do ta ketë problem të merret me atë çështje.