Rusia kreu një sulm të madh me raketa në Ukrainë të shtunën, duke shkatërruar një bllok apartamentesh nëntëkatëshe në qytetin e Dnipro, e sipas zyrtarëve ukrainas, janë vrarë të paktën pesë persona dhe 39 persona janë lënduar e po ashtu, janë goditur objektet jetike të energjisë.
Ministri i Energjisë i Ukrainës ka thënë se ditët në vijim do të ishin “të vështira” pasi muaj të tërë të bombardimeve ruse të rrjetit elektrik kërcënojnë furnizimin me energji elektrike, ujë të rrjedhshëm dhe ngrohje qendrore në kulmin e dimrit.
Në qytetin qendror lindor të Dnipros, 20 persona u shpëtuan nga një bllok apartamentesh ku një pjesë e tërë e ndërtesës ishte kthyer në rrënoja, duke dërguar tym në qiell, tha nënkryetari i zyrës presidenciale të Ukrainës.
“Tragjedi. Unë shkova në vend … Do të kalojmë nëpër rrënoja gjithë natën”, ka thënë Borys Filatov, kryebashkiak i qytetit raketor në lumin Dnipro.
Pesë persona u vranë dhe të paktën 60 njerëz, duke përfshirë 12 fëmijë, u plagosën gjithashtu në sulm, me më shumë njerëz ende të bllokuar nën rrënoja, tha guvernatori rajonal.
Një tjetër person u vra dhe një u plagos në qytetin e prodhimit të çelikut të Kryviy Rih ku gjashtë shtëpi u dëmtuan në qytetin e lindjes së presidentit ukrainas, Volodymyr Zelensky, ka thënë kryebashkiaku Oleksandr Vilkul.
Në fjalimin e tij të natës, Zelensky i bëri thirrje Perëndimit që të furnizojë më shumë armë për të parandaluar vdekjet e mëtejshme nga ajo që ai e përshkroi si “terror rus”.
“Çfarë nevojitet për këtë? Lloji i armëve që partnerët tanë kanë në stoqe dhe që luftëtarët tanë kanë pritur. E gjithë bota e di se çfarë dhe si t’i ndalojë ata që po mbjellin vdekjen”, ka thënë ai, raporton Reuters.
Sulmi i së shtunës vjen pasi fuqitë perëndimore konsiderojnë dërgimin e tankeve luftarake në Kiev dhe përpara një takimi të aleatëve të Ukrainës në Ramstein në Gjermani të premten e ardhshme, ku qeveritë do të shpallin premtimet e tyre të fundit për mbështetje ushtarake.
Në vijat e frontit në lindje, Ukraina ka njoftuar se forcat e saj po luftonin për të mbajtur kontrollin e qytetit të vogël Soledar, ku Rusia ka sakrifikuar një numër të madh trupash dhe burimesh në përpjekje për të siguruar një lloj avancimi pas disa muajsh pengesa.