Asociacioni i Gazetarëve të Kosovës ka bërë të ditur se gjatë ditës së martë (nesër) do të mbahet konferencë për media.
Ata njoftuan se mediave do t’u adresohen gazetarët afganë që kanë mbërritur mbrëmjen e së hënës (sonte) në Kosovë.
“Asociacioni i Gazetarëve të Kosovës – AGK, nesër, më 31 janar 2023, mbanë konferencë për media. Medieve do t’u adresohen gazetarët afganë që kanë mbërritur sonte në Kosovë, Amina Omid, Ahmad Shaker, Nimatullah Gholami dhe Raifullah Nikzad, si dhe Xhemajl Rexha – Kryetar i Bordit të AGK- së, dhe Flutura Kusari nga ECPMF”, thuhet në njoftim e tyre.
Konferenca mbahet në zyrat e AGK-së me fillim nga ora 10:30.