Juergen Braerhmer do të jetë trajneri personal që do ta udhëheq nga këndi boksierin e njohur shqiptar, Robin Krasniqi. Këtë e ka bërë të ditur vet Krasniqi në rrjetet sociale.
Boksieri Kosovar, Robin Krasniqi do të rikthehet në ring me 25 shkurt 2023. Ai do të përballet me Timur Nikarkhoevin në Munich.
Për përgatitjet e tij profesionale, ai ka përzgjedhur ish mundësin e tij në kategorinë gjysmë të rëndë në versionin WBA, të vitit 2015, Juergen Braerhmer.
Gjermani Braehmer, do ta udhëheqë nga këndi boksierin Krasniqi.
“Bild” ka shkruar të martën se Krasniqi është I vendosur të kthehet në nivelin e lartë dhe të luftojë sërish për titull të botës. Dhe ka vendosur të bashk të bashkëpunojë me Braehmerin që karrierën e mbylli me 52 fitore e tri humbje dhe që ka mbajtur tituj të botës.
Krasniqi ka bashkëpunuar për kohë të gjatë me Magomet Schaburow. Por tani për trajner e ka 44-vjeçarin Braehmer.