Të zakonshme e kanë lëvizjen Kosovë-Austri dhe anasjelltas.
Por ndryshe prej herave të tjera, Rrahim Blakqori tash e tre ditë është bllokuar në kufirin e Austrisë.
Kjo pasi që autoritetet austriake nuk po lejojnë që kamioni me mallra i kompanisë Poly Logistic të kalojë transit në shtetin e tyre.
Ndonëse e kanë lejen deri më 2024-tën, Blakqorit thotë se nga autoritetet austriake ju është thënë se Kosova nuk e ka lejen bilaterale për të kaluar transit.
Rrahim Blakqori nga Poly Logistic ka thënë se “Dokumentacioni i mallit që është bërë eksporti, gjithçka është në rregull. Këta thonë se nuk ka drejtë Kosova me kalu tranzitin dhe nuk janë valide lejet bilaterale që ua kanë jep Minsitria e Transportit. Ministria e Transportit e ka marrë prej Ambasadës së Austrisë”.
Për këtë problem, ata nuk po mund të bien në kontakt me Ambasadën e Kosovës në Austri.
Blakqori ka shtuar se “Ne i kërkojshmi këtyre dërgona në Gjykatë, thirrne ambasdën e Kosvës por nuk po lajmërohen. Ata thonë nuk merremi ne me këtë punë. Jemi mbetë në peng, as këta nuk po I thirrin e ambasada neve nuk po na lajmërohen. Veç thonë pritni, pritni. E është dita e tretë që jemi tu prit”.
E nga Ministria e Mjedisit, Planifikimit Hapësinor dhe Insfrastrukturës kanë thënë për RTV se kjo është si rrjedhojë e mungesës së kontigjentit të lejeve për të operuar transit nëpër Austri.
Ministria e Infrastrukturës ka deklaruar se “Sa i përket çëshjtes së ngritur nga ana juaj në lidhje me dënimin e operatorit në fjalë, sapo kemi marrë informatën në lidhje me ndalimin/denimin e operatorit tonë rezident të mallrave POLY LOGISTIC, kemi njoftuar Ambasadën tonë në Austri dhe Amabsadën e Austrisë në Prishtinë gjatë vitiit 2022 dhe 2023 lidhur me denimet e operatoreve tonë nga autoritetet austriake, gjithashtu kemi adresuar me dhjetra herë çështjen e mungesës së kontigjentit të lejeve për të operuar transit nëpër territorin e Austrisë për operatorët tonë rezident , por ende nuk kemI pranuar përgjigje pozitive nga Ministria e linjës së Austrisë”.
Gjatë 2023-tës Austria kishte dërguar kontigjentin e lejeve bilaterale por jo edhe të lejeve transit.
“Në këtë kontekst vlen të potencohet se aktualisht per vitin 2023 autoritetet austriake kanë dërguar kontigjentin e lejeve bilaterale gjithsejt 100 copë, por jo edhe kontigjenin e lejeve tranzite. Andaj kjo situatë paraqet barrierë për operimin transit nëpër territorin e Austrisë nga operatorët tonë resident”, thuhet në njoftimin e Ministrisë së Infrastrukturës.
Ndërsa në 2022-tën Kosova kishte kërkuar 500 leje për operim transit por autoritetet austriake kishin dërguar 100 copë e që ishin shfrytëzuar në gjashtë mujorin e parë 2022-ës.
Në lidhje me rastin, Televizioni ka kontaktuar edhe Ministrinë e Punëve të Jashtme dhe Diasporës si dhe Ambasadaën e Kosovës në Austri por të njëjtat nuk kanë kthyer përgjigje.