Boksierja Donjeta Sadiku dhe boksieri Bashkim Bajoku do të boksojnë sot në lojërat europiane “Krakov 2023” në Poloni.
Sekretari i përgjithshëm i Federatës së Boksit të Kosovës, Latif Demolli, në një postim në rrjetin e tij social Facebook, ka treguar edhe për kundërshtarët e boksierve nga Kosova.
“Lojrat Evropiane Krakow-Malopolska 2023
European Games Krakow-Malopolska 2023
Nesër më 26 qershor do të boksojnë 60kg. Donjeta Sadiku kundër boksieres nga Zvicra, Jenni Nna Julia dhe 51kg. Bashkim Bajoku për kundërshtar do ta ketë boksierin francez, Bennama Billal, me fitore do të hyjnë në çerekfinale në luftë për medalje!”, ka shkruar Demolli.
Në lojërat evropiane në Krakov të Polonisë, para disa dite, sukses ka arritur edhe sportistja Luiza Gega, e cila ka triumfuar në garat me vrapim 5 mijë metra dhe 3 mijë metra me pengesa.