Janë bërë 12 vjet nga aksioni i Njësisë Speciale të Kosovës, për t’i marrë nën kontroll pikat kufitare në pjesën veriore të vendit, Jarinjë dhe Bërnjak.
ROSU kishte hasur pengesa nga strukturat ilegale në veri, ku edhe ishte vrarë polici i Kosovës, Enver Zymberi.
Tri vjet pas vrasjes, për vrasjen e Zymberit ishin arrestuar dy persona, Radomir Radiq dhe Millovan Vllaskoviq, të cilët më vonë ishin shpallur të pafajshëm.
Më 2015 ishin arrestuar si të dyshuar Miodrag Llekiq dhe vëllai i tij, pjesë e policisë në stacionin e veriut të Mitrovicës.
Po ashtu, edhe këta të dy ishin liruar si të pafajshëm.
Ish– presidentja e Kosovës, Atifete Jahjaga, ia kishte dhënë titullin “Hero i Kosovës”, Enver Zymberit për “trimërinë dhe përkushtimin e treguar deri në flijim për vendosjen e sundimit të ligjit në tërë territorin e Republikës së Kosovës”.