AGK kundërshton kufizimin e hapësirës së punës për mediat në Kuvend

Asociacioni i Gazetarëve të Kosovës (AGK), ka kundërshtuar kufizimin e hapësirës së punës për mediat në Kuvend, duke thënë se ky vendim vështirëson raportimin profesional dhe të plotë

Foto nga AGK-ja

Asociacioni i Gazetarëve të Kosovës (AGK), ka kundërshtuar vendimin e fundit të Kuvendit të Kosovës që kufizon hapësirën e punës për mediat në këtë institucion.

Siç thuhet në reagimin e AGK-së, gazetarët, kameramanët dhe fotoreporterët, të cilët raportojnë nga Kuvendi, kanë njoftuar për një situatë të re të vështirësimeve në kryerjen e detyrave të tyre, pasi u është vendosur një shirit që u pamundëson të marrin pamjen e plotë të Kuvendit dhe deputetëve në punë.

Për këtë AGK-ja ka vlerësuar se kjo masë e ndërmarrë nga Kuvendi është e papranueshme dhe dëmton rëndë raportimin profesional dhe të plotë nga Kuvendi i Kosovës.

Me qëllim të adresimit të kësaj çështjeje, AGK ka bërë një thirrje Kryesisë së Kuvendit për të marrë masa dhe veprime për të lehtësuar punën e gazetarëve në Kuvend.

“AGK-ja e kundërshton fuqishëm këtë vendim, që ka për tentim vështirësimin e raportimit profesional dhe të plotë nga Kuvendi. Ky vendim gjithashtu nuk i kontribuon transparencës për punën e të zgjedhurve të popullit. AGK-ja fton Kryesinë e Kuvendit që të marrë masa për të lehtësuar punën e gazetarëve, pasi që raportimi i tyre nga Kuvendi është në interes të publikut”, thuhet në reagimin e AGK-së, të publikuar në Facebook.

Në ndërkohë, pas këtij vendimi, disa gazetarë në shenjë proteste kanë vendosur  të largohen nga Kuvendi, duke bojkotuar seancën e së enjtes.

Shija e redaktorit

Ali Ahmeti: Dëshmia e James Rubin çmontoi propagandën kundër UÇK-së

Lideri i Bashkimit Demokratik për Integrim (BDI), Ali Ahmeti, ka reaguar pas dëshmisë së dhënë nga James Rubin në gjykimin ndaj ish-krerëve të Ushtrisë...

“Me zemër e mendje jam atje Komandant!”: Edi Rama përkrah...

Kryeministri i Shqipërisë, Edi Rama, ka dalë me videopërkrahje të protestës kundër Gjykatës Speciale që po zhvillohet në Hagë, nga shqiptarë anekënd botës. Rama shkroi...

Shqipëria hap 4 kapituj të rinj në negociatat me BE...

Shqipëria do të hapë më 16 shtator katër kapituj të tjerë të negociatave për anëtarësim në Bashkimin Evropian, në kuadër të Konferencës së 6-të...

Të fundit nga rubrika