Pritjet e gjata vazhdojnë të jenë ende prezente për mërgimtarët në pikat kufitare.
Duke iu referuar Qendrës për Menaxhimin Kufitar të Kosovës, këtë të diel pritjet më të gjata janë në dalje të Merdarës – deri në 1 orë.
Ndërsa pritjet për hyrje në këtë pikë kufitare janë deri në pesë minuta, derisa kolonat në Merdarë janë deri në 300 metra në dalje.
Gjersa pritjet për të dalë nga Kosova në Dheun e Bardhë janë deri në 40 minuta, ndërkaq hyrjet deri në pesë minuta. Kolonat në dalje janë deri në 200 metra.
Kurse, në pikat kufitare në Bërnjakë dhe Mutivodë pritjet për të dalë janë deri në 10 minuta.
