Presidenti i Serbisë, Aleksandar Vuçiq, ka publikuar një video në Instagram, ku ka shkruar se Serbia është duke u përballur me kohë sfiduese.
Vuçiq tutje ka thënë se për këtë arsyeje, të gjithë duhet të jenë të bashkuar dhe “të mbrojnë interesat e vendit”.
Ndër të tjera, ai ka thënë se gjatë kësaj periudhe u dëshmua se rezultatet e mira arrihen me këmbëngulje.
“Edhe pse kohët në të cilat jetojmë nuk janë të lehta, shteti nuk e ka harruar njeriun e thjeshtë dhe nevojat e tij. Prandaj, më shumë se kurrë, ne vazhdojmë të ndërtojmë dhe punojmë për restaurimin e rrugëve dhe urave lokale, për t’i dëgjuar problemet dhe idetë e qytetarëve dhe të ecim përpara së bashku pa u ndalur. Na presin kohë të vështira, prandaj duhet të jemi të bashkuar, punëtorë, të mbrojmë interesat e Serbisë dhe të japim kontributin maksimal në zhvillimin e saj”, ka shkruar Vuçiq.
Ndryshe, Vuçiq dhe kryeministri i Kosovës, Albin Kurti, pritet të takohen në Bruksel më 14 shtator.