Policia e Kosovës ka bërë të ditur se kanë arrestuar një person nën dyshimet për mashtrim.
Si njofton policia, i arrestuari, dyshohet të ketë marrë nga ankuesi shuma të ndryshme parash për rregullim të dokumenteve, vlera e përafërt arrin deri në 30000 euro.
“Sot nga njësite policore të stacionit Qendra në Prishtinë, është arrestuar një person i dyshuar për veprën mashtrim. Mbështetur në rezultate e para të hetimit, policia ka ngritur dyshimin e bazuar se personi i arrestuar, dyshohet të ketë marrë nga ankuesi shuma të ndryshme parash për rregullim të dokumenteve (vlera e përafërt arrinë deri në 30000 euro).
Dyshohet se mashtrimi mund të ketë ndodhur në vazhdimësi për një periudhë të gjatë kohore që nga viti 2021. Ndërkohë që hetuesit policor po kryejnë veprimet e nevojshme procedurale, personi i dyshuar: – T. V, mashkull 56 vjeç, shtetas i Republikës së Kosovës, me vendim të prokurorit është dërguar në mbajtje”, thuhet në njoftim.