“Pa zot shtëpie”, Hoti thotë se ka rënie ekonomike për faj të Qeverisë

Deputeti i LDK-së, Avdullah Hoti, ka deklaruar se në tre vitet e qeverisjes së kryeministrit Albin Kurtit nuk ka asnjë politikë ekonomike dhe fiskale që siguron punësim dhe prodhim të qëndrueshëm

Ish-kryeministri i Kosovës, Avdullah Hoti

Ish-kryeministri i Kosovës, Avdullah Hoti, ka shprehur shqetësimin e tij për situatën ekonomike duke akuzuar Qeverinë e Kosovës për mungesë të strategjive të efektshme në këtë sferë.

Hoti ka theksuar se trendi i rënies së ekonomisë po vazhdon gjatë gjithë mandatit të qeverisje aktuale, duke filluar që nga tremujori i dytë i vitit 2021.

Ai ka shprehur shqetësimin për mungesën e kujdesit të mjaftueshëm për ekonominë dhe bashkëpunimin e pakëndshëm me sektorin privat, duke argumentuar se ky bashkëpunim mund të kontribuojë në rritjen ekonomike të vendit.

Hoti gjithashtu ka theksuar se rritja ekonomike ka arritur nivele të ulëta dhe se “amortizimi i kapitalit nuk ka mundur të mbulohet”.

“Trendi rënës i ekonomisë po vazhdon gjatë gjithë mandatit të kësaj qeverie – që nga tremujori i dytë i vitit 2021 kur e nisën mandatin. Pa zot shtëpie që kujdeset për ekonominë e bashkëpunon me sektorin privat, rritja ekonomike është shafitur në nivele të ulëta që as amortizimi i kapitalit nuk mbulohet”, ka shkruar ai në Facebook.

Ai po ashtu e ka kritikuar Qeverinë për mungesë të politikave ekonomike dhe fiskale që sigurojnë, sipas tij, punësimin dhe prodhimin e qëndrueshëm derisa ka theksuar se investimet publike janë tkurrur në mënyrë të ndjeshme gjatë tre viteve të fundit.

“Kjo ka qenë e pritshme. Në tri vite të qeverisjes nuk ka asnjë politikë ekonomike e fiskale që siguron punësim e prodhim të qëndrueshëm. Investimet publike në tri vitet e fundit janë tkurrur jashtëzakonisht shumë”, ka shkuar tutje Hoti.

Shija e redaktorit

Këto janë libraritë ku mund t’i gjeni tekstet shkollore të...

Shtëpia botuese “Dukagjini” njofton se ka filluar shitja e teksteve shkollore për vitin 2025/2026 dhe tashmë janë në dispozicion në të gjitha libraritë partnere...

Fillon shitja e teksteve shkollore për vitin 2025/2026 nga shtëpia...

Shtëpia botuese “Dukagjini” ka nisur zyrtarisht shitjen e teksteve shkollore për vitin e ri shkollor 2025/2026. Prindërit, mësimdhënësit dhe nxënësit tani mund t’i gjejnë...

50 autoblinda për Kosovën, Ambasada amerikane: Tjetër hap në angazhimin...

Të premten është mbajtur ceremonia e pranim-dorëzimit të autoblindave të reja të prokuruara nga Shtetet e Bashkuara të Amerikës për Forcën e Sigurisë së...

Të fundit nga rubrika