Meqë 24 maji është Dita Botërore e Vëllait, emisioni “Reload” në RTV Dukagjini, sot, ka filluar duke i kushtuar një rëndësi të veçantë kësaj dite.
Derisa Nita Brisku, prezantuesja e emisionit ‘Reload’, ka filluar ta shpjegojë lojën që do të luhet me shikuesit dhe dëgjuesit e Radiotelevizionit Dukagjini, bashkëprezantuesi Drin Gashi ka treguar se sot është Dita Kombëtare e Vëllait.
Për këtë ka reaguar bashkëprezantuesi i tyre Dardan Belegu ‘Trakla’, duke thënë se nuk ka mundësi të jetë ditë kombëtare.
Trakla ka kërkuar që të shpjegohet se pse është kombëtare, kurse Nita i është përgjigjur se kjo ditë është vetëm për vëllezërit tanë.
“E bëjmë për shqiptarë këtë ditë” është shprehur Gashi.
Gjersa po i numëronin vëllezërit e tyre, Nita Brisku i drejtohet njërit prej kameramanëve duke i thënë “ti je shumë mirë veç me motra, se të këqyrin më së miri”.
Trakla, ka reaguar duke thënë se edhe në ditën e vëllait flasin për motra.
“Veç këtë ditë e kemi” ka thënë Trakla.
Nita është shprehur se vëllai nuk të thërret kurrë për qejf, sipas saj, ata thërrasin veç për të lypur diçka.
Loja e cila është duke u realizuar gjatë emisionit, ka të bëjë me tri ngjarje që do të tregohen, e që dëgjuesit që kanë mundësi të thërrasin, duhet ta dinë se a janë të vërteta apo të trilluara.
Për t’u bërë pjesë e lojës, mund të bëni thirrje në numrin e telefonit 049-424-242/038-737-375 dhe në aplikacionin Viber +383 49 424-242.
24 maji është shënuar si Dita Botërore e Vëllait që nga viti 2005. Ishte Daniel Rhodes nga Alabama që organizoi fillimisht festën dhe ngjarjet e lidhura me to.
Çdo vit më 24 maj festohet Dita e Vëllait. Pavarësisht, nëse keni një apo shumë vëllezër, sot është dita për të reflektuar sesi vëllai ose motra juaj e ka pasuruar jetën tuaj.
Dita e Vëllait nuk është vetëm për vëllezërit biologjikë. Dita shënon edhe marrëdhënien me të njohurit, kushërinjtë dhe kunetërit.
Dita e Vëllait na jep mundësinë ta tregojmë dashurinë ta.
Vëllezërit më të mëdhenj janë shtylla e mbështetjes së forcës, ndërsa vëllezërit më të vegjël janë paketa e gëzimit dhe lumturisë.
Kjo ditë u prezantua për herë të parë nga Daniel Rhodes, i cili mendoi se duhej një ditë e veçantë, për t’iu dhënë vëllezërve nderin që meritonin.