Një rast i tentim vrasjes ka ndodhur në orët e para të mëngjesit të sotëm në rrugën Pejë-Rozhajë, në segmentin në Vitomiricë.
Sipas Policisë, viktima e rastit ka raportuar në stacionin policor në Pejë se derisa ka qenë duke lëvizur me veturë ka pasur të shtëna me armë zjarri në drejtim të tij dhe se është qëlluar vetura e tij.
Zëdhënësi i Policisë Rajonale të Pejës, Fadil Gashi, e ka konfirmuar rastin për Portalin Dukagjini i cili sipas tij, ka ndodhur rreth orës 1:25.
Sipas tij, Policia ka dalë në vend të ngjarjes dhe ka gjetur dëshmi materiale.
Gashi tha se është intervistuar viktima dhe është njoftuar prokurori, i cili ka kërkuar që të iniciohet rasti si “tentim vrasje”.
Ndërsa, të dyshuarit janë të panjohur për Policinë e Kosovës.