Policia e Kosovës ka kërkuar ndihmën e qytetarëve për gjetjen e një të dyshuari për tentim vrasje dhe armëmbajtje pa leje në Gjakovë.
Nga Prokuroria Themelore në Gjakovë, Policisë i është dhënë leje për publikimin e fotografisë së personit të dyshuar për tentim vrasje dhe mbajtje e armëve pa leje.
Personi i dyshuar quhet Shkelzen (Ismet) Ahmeti, i lindur më 1992 dhe banues në Gjakovë.
“Në lidhje me rastin nuk është arritur të sigurohet prezenca e personit në fjalë, edhe përkundër angazhimeve hetimore dhe operative nga ana e Sektorit Rajonal të Hetimeve dhe njësiteve tjera në kuadër të Drejtorisë Rajonale të Policisë në Gjakovë”, thuhet në njoftimin e Policisë.
Policia po vazhdon hetimet për të identifikuar dhe kapur të dyshuarin në lidhje me këtë rast.
Siç thuhet në njoftim, Policia kërkon ndihmën e qytetarëve për të lokalizuar personin e dyshuar.
Për çdo informacion që mund të ndihmojë në gjetjen e tij, qytetarët mund të lajmërojnë policinë në numrat e telefonit të tyre, si 192, 080019999 (pa pagesë), 045/930-220, ose përmes aplikacionit “Lajmëro Policinë”, si dhe në stacionin policor më të afërt.