Policia e Kosovës po e heton vdekjen e një personi, trupi i të cilit është gjetur në oborrin e shtëpisë së tij.
Në raportin 24-orësh të policisë thuhet se rasti ka ndodhur në Dumnicë të Poshtme, në Podujevë, të shtunën e 23 marsit.
Me vendim të prokurorit, trupi i pajetë i viktimës është dërguar në Institutin e Mjekësisë Ligjore për obduksion.
“Dumnicë e poshtme, Podujevë / 23.03.2024 – 16:25. Raportohet se në oborrin e shtëpisë së tij është gjetur trupi i viktimës mashkull/kosovar. Me vendim të prokurorit trupi i pa jetë i viktimës është dërguar në IML për obduksion”, thuhet në raport.