Në emisionin fantastik me lojëra nga më të ndryshmet, “RELOAD”, së bashku me Traklen, kameramanët e RTV Dukagjinit, kanë zhvilluar një lojë e cila është bërë trend kohët e fundit, edhe në rrjetet sociale, e më së shumti në TikTok.
Loja nis me një lëng në dorën e secilit, ku ajo pra tregon rendin e tyre, të cilët duhet të bëjnë gjeste apo të lëshojnë zëra në mënyrë që të tjerët të qeshin, dhe të dalin nga loja. Në lojë duhet të ketë përqendrim në seriozitet, ku ai që qesh, del nga loja pra, humbë.
Lojën e nisin katër djemtë, ku dy prej tyre dështojnë që në fillim, pasi nuk iu përmbahen fare të qeshurave…
Fituesi, i cili u përmbajt që të mos qeshet fitoi në fund akulloren “Bravo”, e që në këto ditë të nxehta nuk është keq si ide, loja e as akullorja…
Loja tjetër nga Trakla, djemtë duhet të shikojnë drejtë në kamerë, e prap të mundohen ta bëjnë njëri tjetrin të qeshin.
Këtu marrin pjesë djemtë tjerë të RTV Dukagjini-t, edhe në pjesën e dytë nuk përmbahen nga të qeshurat, gjestet dhe tingujt nuk lejojnë që të përmbahen.
Provo të mos qeshësh është sfida e fundit për të luajtur së bashku me miqtë tuaj më të mirë. Provoni veten sa kohë mund të qëndroni pa qeshur! E këtë lojë e zhvillojmë edhe në emisionin “Reload”.