Përgatitja e kësaj gjelle është shumë e thjeshtë. Përbërësit janë: një lakër, një selino, dy-tre karota, pesë-gjashtë thelpinj hudhre, dy-tre patate, një-dy domate, një tufë qepë të reja, vaj, erëza të thata, spec të gjelbër, spec të kuq të bluar dhe një lugë miell.
Përgatitja fillon duke prerë lakrën në kube të mëdha dhe duke e vënë gjysmën në tenxhere, perimet i prisni në rrathë dhe i vini në lakër. Pastaj shtoni specin e prerë, fletët e selinos dhe majdanozin. Vini ujë deri në gjysmë dhe zieni rreth 45-50 minuta. Shtoni erëzat dhe domatet kur të zihet lakra.
Në tigan vini pak vaj, shtoni miellin dhe hudhrat. Fërgoni, shtoni specin e kuq të bluar, pastaj të gjitha këto vini te lakra në tenxhere, dhe në fund vini pak majdanoz.
Nëse e shihni të nevojshme, shtoni kripë. Lejeni të vlojë edhe një-dy minuta.
Ju bëftë mirë!