Ministri i Financave, Hekuran Murati ka njoftuar se Banka Qendrore e Kosovë gjatë javës së kaluar ka transferuar në llogarinë e Qeverisë shumën prej 10.38 milionë euro, si ndarje e fitimit vjetor siç parashihet me ligj.
Murati përmes një postimi në rrjetin social “Facebook” ka shtuar se ky është lajm i mirë.
“Javën që shkoi, BQK ka transferuar në llogari të Qeverisë shumën prej 10.38 milionë euro, në kuadër të ndarjes së fitimit vjetor, ashtu siç parashihet në ligjin për Bankën Qëndrore të Republikës. Kjo shënon herën e parë në historikun e ri të shtetit tonë pas pavarësimit, që një transfer i tillë është mundësuar, falë performancës së mirë financiare të investimeve të BQK-së”, shkroi Murati.