Kanë kaluar më shumë se 2 javë që prej se autoritet serbe, dyshohet se vranë të arratisurin nga burgu i Kosovës, Faton Hajrizin.
Por, trupi i të njëjtit ende është duke qëndruar në Serbi. Së fundmi janë dërguar edhe mostrat e strishos së nënës së tij, për të bërë identifikimin porse ende nuk dihet nëse ka ndonjë rezultat nga kjo.
Avokati i familjes, Arianit Koci, gjatë ditës nuk është përgjigjur, në interesimin e Dukagjinit për këtë çështje, njëjtë sikurse edhe Ministria e Punëve të Jashtme e Kosovës.
Avokati i Yll Zekaj thotë se institucionet e Kosovës do duhej të bënin më shumë presion tek shtete e Quintit, për të mundësuar kthimin e trupit të Hajrizit në Kosovë.
“Kthimi i kufomës së të dyshuarit apo tani të ndjerit Hajrizi, është një obligim që shteti i Serbisë e ka në drejtim të familjes së z.Hajrizi për organizimin e ceremonisë mortore dhe është obligim i shtetit bazuar edhe në Konventën ndërkombëtare, ajo cka nuk është duke u realizuar sic duhet është një neglizhencë e shtetit të Serbisë, përkatësiisht deri më tani kanë kaluar disa jave e prej momentit kur dyshohet se i njëjti është vrarë dhe nuk kemi një transparencë se cfarë është bërë për identifikimin e tij, shteti i Kosovës e ka të pamundur të bëjë më shumë për shkak të mungesës së bashkëpunimit me shtetin e serbisë, ajo cka është dashur të bëhet nga shteti i Kosovës, është të bëhet më shumë trysni në shtete e Quintit që të njëjtit të ndikojnë në shtetin e Serbisë,” deklaroi Zekaj.
Ai beson se Serbia, këtë rast është duke e shfrytëzuar për qëllime politike, tek shton se identifikimi përmes ADN-së, nuk merr shumë kohë.
“Në kushte normale duhet kjo procedurë është shumë e shpejrte dmth strishoja apo identifikimi i ADN-së, bëhet në cështje dite nuk është ndonjë procedurë e tejzgjatur sidomos në shtete të zhvilluara, sic është Serbia ku është e pajisur me laborator dhe ajo nuk duhet të ketë problem në këtë drejtim, por problemi është politik dhe i zvarritjes së qëllimshme të procedurave kemi parë që të gjitha procedura deri më tash kanë shkuar në baza private sesa institucionale,” shtoi Zekaj.
Faton Hajrizi ishte arratisur nga burgu i Smrekonicës në Kosovë, ndërkohë që dyshohet se vrau një polic serb, e plagosi një tjetër, e më pas u ekzekutua nga të autoritete atje.