Policia e Kosovës ka shpallur në kërkim pesë persona të dyshuar për veprën penale “kultivimin e bimës së hashashit, shkurres së kokainës ose bimëve të kanabisit.
Sipas njoftimit të PK-së, dy prej të dyshuarve janë shtetas të Shqipërisë, Marglen Çomani i lindur me 24 maj 1986 dhe Albion Kalemi me 5 shkurt 1998.
Ndërsa tre të dyshuarit kosovar janë: Gzim Gashi nga Klina, Faik Gashi nga Klina dhe Selim Gashi nga Ceroviki i Klinës.
“Personat e dyshuar me autorizim të organeve të drejtësisë shpallen në KËRKIM nga Policia e Kosovës nën dyshimin e bazuar se të njëjtit duke bashkëpunuar dhe bashkëvepruar kanë kryer veprën penale ‘Kultivim i bimës se hashashit, shkurres së kokainës ose bimëve të kanabisit’”, thuhet në njoftim.