Sulmi që u realizua të hënën nga ushtria e Shteteve të Bashkuara të Amerikës, kishte në shënjestër Abu Hamzah al Jemeni, një “udhëheqës i lartë” i grupit Hurras al-Din, i lidhur me al-Kaedën.
Abu Hamzah al Jemeni po udhëtonte vetëm me një motoçikletë kur shenjëstrua, tha Komanda Qendrore e SHBA-së në një deklaratë, njofton AlJazeera.
Gjithashtu, në deklaratë ceket se eliminimi i këtij lideri të lartë do të prishë aftësinë e al-Kaedës për të sulmuar qytetarët amerikanë dhe civilët e pafajshëm.
“Largimi i këtij udhëheqësi të lartë do të prishë aftësinë e Al-Kaedës për të kryer sulme kundër qytetarëve amerikanë, partnerëve tanë dhe civilëve të pafajshëm në mbarë botën”, thuhet në deklaratë.
Mbrojtja Civile Siriane një organizatë humanitare, tha në një postim në Twitter se një burrë u vra pak para mesnatës, pasi motoçikleta e tij u godit me dy raketa, duke shtuar se është transferuar trupi i pajetë në departamentin e mjekësisë ligjore në qytetin Idlib.