Distria Krasniqi ka arritur që fitojë medalje të artë në Lojërat Mesdhetare “Oran 2022”, ndërsa Flaka Loxha i ka sjellë Kosovës medaljen e bronztë.
Presidentja e Kosovës, Vjosa Osmani i është gëzuar kësaj arritjeje të xhudistëve, ku përmes rrjetit social Facebook, i ka uruar për këto fitore.
“Dy medalje në xhudo në një ditë, fitore pas fitore, Distria Krasniqi, sërish e artë e flamuri i shtetit të Kosovës, sërish më së larti në Lojërat Mesdhetare Oran 2022!”.
“Këtë krenari na e rritë edhe më shumë fitorja e Flaka Loxhës, e cila me medaljen e bronztë po ecën hapave të Majlindës e Distrias”, ka shkruar Osmani.
Për këtë ka reaguar, edhe trajneri i sportit të xhudos, Driton Kuka.
Ai përmes një postimi në Facbook, ka thënë “Një e artë, një e bronztë, një vend i 7”.
Ndryshe, të mërkurën e 29 qershorit, xhudistja Krasniqi e ka mposhtura në finale kroaten, Ana Viktorija, Puljiz. Ndërsa në gjysmëfinale, ajo e kishte mposhtur spanjollen Ana Perez Box.
Ndërkaq, xhudistja Flaka Loxha ka fituar medaljen e bronztë.
Për Kosovën është hera e dytë që merr pjesë në në Lojërat Mesdhetare.