Instituti Kombëtar i Shëndetësisë Publike të Kosovës ka apeluar qytetarët për kujdes të shtuar gjatë ditëve me temperatura të larta, duke u treguar shenjat e rrezikut.
Instituti rekomandon që qytetarët të kontaktojnë të paktën një herë në ditë të moshuarit që jetojnë vetëm, për t’u siguruar që janë në gjendje të mirë shëndetësore dhe nuk po përballen me probleme nga temperaturat e larta, njofton Dukagjini.
Po ashtu, IKSHPK bën thirrje që fëmijët të mos lihen asnjëherë vetëm në vetura të parkuara, pasi temperatura brenda automjeteve mund të rritet shumë shpejt dhe të paraqesë rrezik serioz për jetën.
IKSHPK-ja ka bërë të ditur edhe disa nga shenjat kryesore për të cilat duhet kërkuar menjëherë ndihmë mjekësore, përfshirë: marramendjen, të përzierat, konfuzionin edhe djersitjen e tepërt.