Zgjedhjet e 20 shtatorit në Berlin pritet të zhvillohen në një garë të ngushtë mes Partisë së Majtë, CDU-së dhe AfD-së.
Sipas sondazhit të fundit të Infratest dimap, Partia e Majtë kryeson me 21 për qind, e ndjekur nga CDU-ja me 20 për qind dhe AfD-ja me 18 për qind. Të Gjelbrit kanë 16 për qind, ndërsa socialdemokratët e SPD-së 12 për qind.
CDU-ja synon të pengojë një fitore të së Majtës, ndërsa AfD-ja, pavarësisht mbështetjes së konsiderueshme, përballet me mungesën e partnerëve të mundshëm për formimin e qeverisë.
Në qendër të fushatës është edhe kriza e banesave. Sipas një sondazhi të fundit, 32 për qind e berlinasve e konsiderojnë strehimin problemin kryesor të qytetit, përpara emigracionit dhe azilit me 10 për qind, si dhe sigurisë dhe krimit me 9 për qind.
Partia e Majtë mbështet zbatimin e referendumit të vitit 2021, në të cilin 59 për qind e votuesve votuan pro shpronësimit të kompanive të pasurive të paluajtshme që zotërojnë mbi 3 mijë banesa.
Zgjedhjet zhvillohen në një Berlin politikisht të polarizuar, ku përplasja mes së Majtës, CDU-së dhe AfD-së mund të ndikojë edhe në politikën federale gjermane.