Kandidati për president të Serbisë nga Partia Progresive Serbe (SNS), Aleksandar Vuçiq, ka fituar 59 për qind të votave në zgjedhje, ndërsa kandidati i Bashkuar për fitoren e Serbisë, Zdravko Ponosh, ka arritur të marrë 18 për qind të votave nga 91.8 e votave të përpunuara.
Komisionit Republikan i Zgjedhjeve (RIK) gjithashtu ka bërë të ditur se kandidati i koalicionit NADA, Millosh Jovanoviq është kandidati i tretë më i votuar me 5,9 për qind të votave, i pasuar nga kandidati i Bllokut Patriotik, Boshko Obradoviq me 4,4 për qind dhe kandidatja e Partisë Zavetnici, Milica Gjurgjeviq- Stamenkovski me 4,3 për qind të votave.
Sipas RIK, kandidatja e koalicionit Moramo, Biljana Stojkoviq, ka fituar 3,1 për qind të votave, kandidatja e koalicionit Sovranistë, Branka Stamenkoviq është në vendin e parafundit me 2 për qind, ndërsa kandidati presidencial i së djathtës serbe, Misha Vaçiq, ka arritur të marrë vetëm 0,9. për qind të votave nga 91.8 për qind e votave të përpunuara deri më tani.
Komisionit Republikan i Zgjedhjeve në Serbi, ka bërë të ditur se në zgjedhjet e 3 prillit kanë votuar 58.6 për qind e numrit të përgjithshëm të votuesve të regjistruar.
