Të hënën qeveria lituaneze mori vendim ta dëbojë ambasadorin rus nga Lituania.
Arsyet e këtij vendimi janë se qeveria lituaneze dëshiron ta ulë nivelin e përfaqësimit diplomatik midis Lituanisë dhe Rusisë, kështu raporton agjencia e lajmeve “Interfax”.
Ministri i Jashtëm, Gabrielius Landsbergis ka thënë se Lituania ka vendosur, gjithashtu, të mbyllë konsullatën ruse në Klaipedia, raporton “Interfax”
Rusia nuk do ta lërë pa përgjigje dëbimin e ambasadorit të saj nga Lituania, ka thënë kreu i Komitetit të Punëve të Jashtme të Dumës së Shtetit, Leonid Slutsky.
“Jam i sigurt se kundërmasat do të pasojnë patjetër dhe do të jenë proporcionale,”
Ai ka shtuar se “Dëbimi i ambasadorit dhe mbyllja e konsullatës do të ulin ndjeshëm nivelin e marrëdhënieve diplomatike midis Moskës dhe Vilniusit.”
Lituania të dielën njoftoi së është bërë shteti i parë nga Bashkimi Evropian që bëhet i pavarur nga gazi rus dhe furnizimet energjetike të Moskës.