Ish-kryenegociatorja e Kosovës, Edita Tahiri, ka reaguar në lidhje me bisedimet që janë duke u zhvilluar në Bruksel të ndërmjetësuara nga Bashkimi Evropian(BE).
Tahiri ka thënë se BE-ja, SHBA-të dhe NATO janë të bindura që ka ardhur koha për arritjen e një marrëveshjeje mes Kosovës dhe Serbisë.
“Marrëveshja finale për njohje reciproke mes Kosovës dhe Serbisë është çelësi i paqes në rajon dhe normalizim të marrëdhënieve bilaterale”, ka shkruar Tahiri në rrjetin social Facebook.
Sipas ish-kryenegociatores, takimi i 18 gushit në mes të kryeministrit Albin Kurti dhe presidentit serb, Aleksandar Vuçiq, në Bruksel nuk mund të sjellë një marrëveshje të tillë.
Për Tahirin, për të arritur marrëveshjen finale në mes të Kosovës dhe Serbisë duhet që të ketë angazhimi maksimal nga të gjitha palët.
Përfundon raundi i parë trepalësh, vazhdojnë takimet dypalëshe