Përmes një postimi në mediat sociale, bëhet e ditur se Shqipëria dhe Kanadaja kanë ratifikuar marrëveshjen e Sigurimeve Shoqërore.
Kështu ka shkruar në Twitter, Ministrja e Punëve të Jashtme, Olta Xhaçka.
Me një gusht hyn në fuqi e drejta për të dy vendet që të gëzojnë të gjitha përfitimet e kontributeve të tyre.
“Lajm i madh! Shqipëria dhe Kanadaja ratifikuan Marrëveshjen e Sigurimeve Shoqërore, duke u dhënë qytetarëve të dy vendeve të drejtën të gëzojnë përfitimet e plota të kontributeve të tyre pas hyrjes në fuqi më 1 gusht”, ka shkruar Xhaçka në llogarinë e saj Twitter.
Great news! Albania 🇦🇱 & Canada 🇨🇦 ratified the Social Security Agreement, giving the citizens of both countries the right to enjoy the full benefits of their contributions after entering into force on August 1. 🇦🇱🤝🇨🇦 pic.twitter.com/0jlcsg92hx
— Olta Xhaçka🇦🇱 (@xhacka_olta) April 5, 2022
Ministrja e Financave dhe Ekonomisë në Shqipëri, Delina Ibrahimaj, më 18 shkurt ka nënshkruar marrëveshje në kuadër në fushën e Mbrojtjes Shoqërore me ministrin për Çështjet e Brendshme, Shëndetësisë dhe Mbrojtjen Sociale të Zvicrës, Alain Berset.
Shtetasit shqiptarë që punojnë rregullisht në Zvicër, do të përfitojnë pensionin me mbushjen e moshës. Me këtë marrëveshje i ‘u mundësohet atyre që mos të humbasin as një ditë nga periudha kontributeve.
Mbi 2 mijë persona që do të përfitojnë nga njohja e ndërsjellët e Mbrojtjes Shoqërore, ka njoftuar Ibrahimaj.
Ministri i Zvicrës, u shpreh i kënaqur që “po zgjerojmë marrëdhëniet tona përmes kësaj marrëveshje”.
Ndërsa e ka cilësuar si “hap të rëndësishëm” që do të sjellë “të mira” për të dyja vendet.
Me herët në vitin e kaluar është rene dakord edhe me Italinë për Pensionet e shqiptarëve në Itali.
Duke nisur nga viti 2023, Qeveria italiane do të njohë edhe vitet e punës në Shqipëri, për emigrantët shqiptarë që jetojnë e punojnë në shtetin fqinj.