Një tërmet me magnitudë 5.4 të shkallës së Rihter ka goditur Greqinë. Ky termet ka ndodhur mes ishullit të Zakinthos dhe Kefalonias në orën 10:36.
Sipas Institutit Sizmologjik në Athinë, epiqendra e tërmetit ka qenë jugperëndimi i Greqisë, te zona detare në afërsi të ishullit të Zakinthos.
Thellësia e tërmetit vlersohet të ketë qenë 8.8 kilometra. Deri më tani nuk raportohet për dëme materiale apo të lënduar. Pas gjysmë ore ka ndodhur një tjetër pasgoditje me magnitudë 3.7 ballë.
Instituti Sizmologjik EuroMesdhetar ka treguar se tërmeti me magnitudë 5.4 të shkallës Rihter ka pasur një kohëzgjatje të gjatë.
Sa i përket lëkundjeve sizmike, ato janë ndier në Nafpaktos, Janinë, Patra dhe Agrinio.
Prej orës 11:16 në zonë janë regjistruar shtatë pasgoditje.