I ftuar në “Debat Plus”, Abdixhiku ka cilësuar energjetikën si një problem burimor dhe një krizë e menaxhuar keq.
Sipas të parit të LDK-së, Lëvizja Vetvendosje ka mohuar lejimin e komisionit hetimor me arsye sikurse lufta aktuale në Ukrainë dhe kjo nuk është asgjë tjetër pos, një luftë e pastër politike.
“Jemi të pakopromis në hetimin e krizës së fundit”, ka thënë Abdixhiku, duke shtuar se në grupin e moskompromiseve hyjnë keqmenaxhimi, financat dhe vendi ku ato kanë përfunduar.
Ai ka përgëzuar Kryetarin e Kuvendit, Glauk Konjufca, i cili i ka dhënë të drejtë opozitës.
“Keni zbuluar temë, ku keni zë të përbashkët tri partitë opozitare”, ka thënë Visar Ymeri, analist.
Abdixhiku kishte shërbyer si ministër i infrastrukturës në qeverinë e Albin Kurtit, ku në koalicion ishin Vetëvendosje dhe LDK. Abdixhiku është kryetari më i ri në moshë, që ka drejtuar ndonjëherë LDK-në.