E mërkura e muzikës live në kuadër të emisionit “Super Trend” në Radio Dukagjini, sonte solli një mysafir të veçantë.
Bëhet fjalë për Alp Isufin, i cili është një këngëtar i ri shumë i talentuar. E quajmë të ri por megjithatë, ai ka një përvojë të gjatë në fushën e muzikës.
Ai në studion e Radio Dukagjinit përformoi i shoqëruar me kitarë nga kitaristi shumë i talentuar, Gita.
Isufi tregoi se me muzikë ka filluar të merret qysh i ri, në ansambël me çiftelia, por tash e shtatë vite është fokusuar më shumë në muzikën popullore dhe moderne.
Këngëtari i ri tregoi se gjatë sezonës është fokusuar në paraqitjet në dasma, ku shkon me bendin e tij, ku përfshihet vëllau i tij dhe disa të afërm të tjerë.
Në lidhje me mbrëmjet muzikore Isufi tha se ka pauzuar rreth 1 vjet e 8 muaj sikur edhe projektet e tij, por tani është rikthyer duke publikuar edhe projekte të reja, tani e ka punuar projektin e dytë që prej kur ka nisur të merret më shumë profesionalisht.