Antipastat janë pjata e parë tradicionale e një vakti zyrtar. Zakonisht janë ushqime që shërbehen në porcione të vogla, të bëra me qëllim që të hapin oreksin.
Shpesh duam që përgatitja e një pjate të tillë të mos marrë orë të tëra. Një të atij lloji po ua rekomandojmë në vijim.
Brusketa me bukë misri
Përbërësit:
-300 gr bukë misri
-200 gr domate qershi
-1 degë borzilok të freskët
-1 thelb hudhër
-pak kripë
-pak rigon
-vaj ulliri
Për të përgatitur brusketa me bukë misri, buka e misrit duhet të jetë e ndarë në feta të holla. Pas vendosjes së tiganit me vaj, bukën e thekim. Ndërkohë, grijmë domatet në kubikë të vegjël, i hedhim hudhrën e grirë, kripë, rigon, borzilok të freskët, vaj ulliri dhe i përziejmë. Pasi buka e misrit të jetë ftohur, bukën e lyeni me hudhër dhe vendosni sipër domaten dhe lëngun e krijuar.
Ju bëftë mirë!