Apple ka objektiv 7 shtatorin për lansimin e iPhone 14

Apple ka sjell tri modeleve Apple Watch dhe iPad të rinjë, por kompania mund t’i ngrit çmimet 15 për qind në krahasim me modelin e kaluar

Ilustrim

Apple ka për synim të mbajë ngjarjen e radhës të lansimit me 7 shtator për të zbuluar linjën e re të iPhone 14 – si dhe iPad-ët e nivelit të ulët dhe të nivelit të lartë, dhe tre modele të reja Apple Watch – thanë për Bloomberg njerëzit me njohuri për këtë çështje.

Gjigandi i teknologjisë me bazë në Cupertino po rinovon produktin e tij kryesor – dhe potencialisht po rrit çmimin e tij – gjatë një kohe me inflacion të lartë, përderisa konkurrentët e tij të Silicon Valley, Google dhe Meta përballen me tërheqje të reklamave, përdoruesit që devijojnë në platforma të tjera dhe erëra të kundërta rregullatore.

Megjithatë, iPhone përbën më shumë se gjysmën e shitjeve të Apple dhe shitjet ishin më të mira se sa prisnin analistët për tremujorin që përfundoi më 25 qershor. Të ardhurat totale të Apple u rritën 2 për qind në 83 miliardë dollarë gjatë atij tremujori – me iPhone që përbën 40.7 miliardë dollarë nga kjo .

Bloomberg raporton se disa punonjësve të dyqaneve të shitjes me pakicë u është thënë të përgatiten për një lansim të madh të një produkti të ri më 16 shtator, pasi kompania zakonisht e lëshon iPhone-in e ri në dyqane rreth një javë e gjysmë pas prezantimit të tij.

Ilustrim

Edhe pse Apple është mjaft i ngushtë në lidhje me publikimet e reja, ja çfarë dimë nga vëzhguesit e kompanisë dhe thashethemet në lidhje me iPhone 14.

Si gjithmonë, kamera është pika qendrore kryesore për miliona përdorues të iPhone që kërkojnë përmirësime. Sipas analistit të Apple, Ming-Chi Kuo, do të ketë përmirësime dramatike në kamerën e përparme të iPhone që përfshin veçori më të mira të fokusit automatik. Përveç kësaj, Kuo thotë se kamera e pasme do të jetë 48 megapiksel gjë që dallon nga sensori 12 megapiksel në iPhone 12.

Kuo zbuloi javën e kaluar se ka të ngjarë që çmimi mesatar i shitjes së linjës së iPhone 14 në tërësi të rritet me rreth 15 për qind krahasuar me linjën e iPhone 13. Në SHBA, iPhone 13 Pro fillon nga 999 dollarë dhe iPhone 13 Pro Max fillon nga 1 mijë e 99 dollarë.

Një rritje prej 15 për qind do të ngriste koston në 1,148,85 dollarë dhe 1,263,85 dollarë, respektivisht, megjithatë duhet theksuar se ende nuk e dimë çmimin e saktë për modelet e reja. Rritjet e çmimeve mund të jenë rezultat i inflacionit ose veçorive të reja që do të përfshihen në linjën e iPhone 14.

9to5Ma dhe analisti Ross Young kanë thënë se modelet e reja do të jenë pak më të mëdha –iPhone 14 Pro do jetë 6.12’ ndërsa iPhone 14 Pro Max 6.69’, në krahasim me modelet e mëparshme që ishin 6.06’ dhe 6.68’.

Ndryshimi më i madh për sa i përket pamjes – përsëri sipas Kuo – është heqja e prerjes në pjesën e sipërme të telefonit. Kjo zonë është vendi ku Apple vendos sensorë për gjëra të tilla si Face ID, si dhe kamerën infrared, altoparlantin, mikrofonin, kamerën e përparme, sensorin e dritës së ambientit dhe sensorin e afërsisë.

9to5Mac raporton se Apple do të zëvendësojë prerjen me një dizajn të ri ‘vrime pilule’ që do t’i lejojë kompanisë të ketë hapësirë për kamerën e përparme dhe harduerin për Face ID, ndërkohë që do të rrisë sasinë e pasurisë së paluajtshme të ekranit.

Për ata që kanë njohuri për teknologjinë, linjat e iPhone 14 pritet të shënojnë një ndryshim të madh në mënyrën se si Apple përmirëson procesorët e modeleve. Analistët presin që iPhone 14 Pro dhe iPhone 14 Pro Max të kenë çipin e ri të kompanisë A16, ndërsa iPhone 14 dhe iPhone 14 Max do të mbajnë të njëjtin çip A15 që është brenda linjës së iPhone 13.

Ilustrim

Shija e redaktorit

Gazetari i RTV Dukagjinit, Dardan Idrizi shpallet fitues i çmimit...

Në ditën e shënimit të 20 vjetorit të themelimit të Asociacionit të Gazetarëve të Kosovës (AGK), kjo organizatë ka mbajtur një event, në të...

Fotografia familjare e Samitit në Tiranë

Siç e do zakoni, pjesëmarrësit e Samitit në Tiranë për Ballkanin Perëndimor dhe Bashkimit Evropian, kanë realizuar "fotografinë familjare" në ambientet e Hotel Marriott,...

Çfarë do t’i sjellin Kosovës ujditë në samitin e BE-së...

Të martën e 6 dhjetorit, samiti në Tiranë do të jetë i pari midis Bashkimit Evropian dhe Ballkanit Perëndimor që zhvillohet në territorin e...

Më të lexuarat

Aktorja që publikoi videon: Për personat përgjegjës ishte si lojë,...

Aktorja Kaltrinë Zeneli ka treguar historinë e publikimit të videos që bëri bujë të mërkurën, aty ku shihej një e moshuar gjersa keqtrajtohej nga...

BE merr ‘anë’ në raportet mes Kosovës dhe Serbisë

Emrimi i Nenad Rashiq, Ministër për Kthim dhe Komunitete nga Kryeministri i Kosovës, Albin Kurti, ka ardhur një muaj pas bojkotimit të institucioneve të...

Serbia gjobitet nga FIFA për Kosovën

Federata e Futbollit të Serbisë është gjobitur nga FIFA të mërkurën për deklarata politike të  bëra në kuadër të Kupës së Botës që po...

Të fundit nga rubrika