Policia e Kosovës ka njoftuar se ka arrestuar një person për veprën penale “vrasje e rëndë”, pasi i njëjti dyshohet se e ka goditur për vdekje me veturë një person në Pejë.
Sipas raportit të Policisë së Kosovës aksidenti ka ndodhur të mërkurën në orën 17:25 në rrugën “Agim Binak Qelaj”, ku viktima dyshohet se është goditur qëllimshëm.
Viktima dhe i dyshuari janë shtetas të Shqipërisë.
“Është arritur të arrestohet i dyshuari shtetas i R. Shqipërisë, pasi që dyshohet se qëllimisht me veturë kishte goditur viktimën mashkull poashtu shtetas i R. Shqipërisë. Si pasojë e plagëve te marra nga aksidenti, viktima ka ndërruar jete në Spitalin e Pejës. Me vendim të prokurorit i dyshuari është dërguar në mbajtje, ndërsa trupi i pa jetë i viktimës është dërguar në IML për obduksion”, thuhet në raport të PK-së.
Arrestohet i dyshuari që goditi për vdekje një person në Pejë
S.J. fillimisht kishte ikur nga vendi i ngjarjes, por është arrestuar më pas. Ai është dërguar në mbajtje për 48 orë.
Vdes një person në Pejë, dyshohet se u godit qëllimisht me veturë