Kryeministrja e Serbisë, Ana Bërnabiq, ka folur për takimin e presidentit të Serbisë, Aleksandër Vuçiq, me presidentin e Francës, Emmanuel Macron, gjatë Forumit të Paqes në Paris.
Sipas saj, presidenti francez, Emmanuel Macron, do të shkojë për vizitë në Serbi, duke theksuar se kjo është diçka e shkëlqyeshme.
Bërnabiqi ka thënë se nëse ishte pikërisht presidenti francez që ka thënë se nëse kryeministri i Kosovës, Albin Kurti, nuk ndryshon qasje ndaj dialogut, atëherë “Franca do të ndryshojë qëndrim për sa i përket liberalizimit të vizave”.
Gjatë forumit të Paqes në Paris që është mbajtur këtë javë, me presidentin francez është takuar edhe kryeministri Kurti, ku temë ka qenë edhe çështja e dialogut, shkruan RTK.
Kryeministrja serbe gjatë një interviste për TV Pink, ka deklaruar se Kurti “nuk dëshiron ta themelojë Asociacionin e Komunave me shumicë serbe”.
Madje, ajo thotë se për këtë refuzim “Kurti ka mbështetje nga jashtë”.