Zëvendëskryeministrja e Kosovës, njëherësh edhe ministrja e Punëve të Jashtme dhe e Diasporës, Donika Gërvalla do të marrë pjesë në “Summit of the Americas”, i cili do të mbahet në Los Angeles të ShBA-së.
Me ftesë të Sekretarit amerikan të Shtetit, Antony J. Blinken, kjo shënon herën e parë që Republika e Kosovës do të përfaqësohet në “Summit of the Americas”.
Përgjatë këtij Samiti, ministrja Gërvalla do të zhvillojë takime bilaterale me zyrtarë të lartë shtetërorë duke vazhduar të lobojë për të forcuar subjektivitetin ndërkombëtar të Republikës së Kosovës.
