Shefi i Punëve të Jashtme të Bashkimit Evropian [BE] Josep Borrell, ka thirrur një takim të jashtëzakonshëm të ministrave të jashtëm të vendeve anëtare për të diskutuar sulmet e Iranit ndaj Izraelit.
Borrell përmes një postimi në rrjetin social “X” ka thënë se “qëllimi ynë është të kontribuojmë në frenimin e përshkallëzimit dhe sigurinë e rajonit”,.
Në një postim tjetër, Borrell ka dënuar sulmet e Iranit ndaj Izraelit.
Ai i ka quajtur sulmet si një “përshkallëzim të paprecedentë”.
“BE dënon fuqishëm sulmin e papranueshëm iranian kundër Izraelit”, shkruan ai në rrjetin social X.
“Ky është një përshkallëzim i paprecedentë dhe një kërcënim i rëndë për sigurinë rajonale,” ka shkruar kryediplomati i BE-së, Borell derisa SHBA është angazhuar direkt duke rrëzuar dronët iranian për të parandaluar sulmet.
Borrell i quan sulmet e Iranit ndaj Izraelit një “përshkallëzim të paprecedentë”
Gjithashtu, edhe Britania e Madhe është angazhuar duke dërguar aeroplanë dhe flotën e saj nga Qipro në drejtim të Lindjes së Mesme.
Following the Iranian attacks against Israel, I have called an extraordinary VTC meeting of EU Foreign Affairs ministers, on Tuesday.
Our objective is to contribute to de-escalation and security of the region.
— Josep Borrell Fontelles (@JosepBorrellF) April 14, 2024